பயங்கரவாத அமைப்புகளுடன் தொடர்புடையதாகக் கூறப்படும் இரண்டு இமாம்கள் கோல்பரா மாவட்டத்தில் கைது செய்யப்பட்ட சில நாட்களுக்குப் பிறகு, அஸ்ஸாம் முதல்வர் ஹிமந்தா பிஸ்வா சர்மா திங்கள்கிழமை, பிற மாநிலங்களில் இருந்து மதர்ஸாக்களுக்கு வரும் இமாம்கள் மற்றும் பிற மக்கள் தங்கள் பெயர்களை அரசாங்க போர்ட்டலில் பதிவு செய்வதை உறுதிசெய்ய நிலையான செயல்பாட்டு நடைமுறையை வடிவமைத்திருக்கிறார்.
“உங்கள் கிராமத்திற்கு எந்த இமாம் வந்தாலும், அவரை உங்களுக்குத் தெரியாவிட்டால், உடனடியாக காவல் நிலையத்திற்குத் தெரியப்படுத்துங்கள், அவர்கள் சரிபார்ப்பார்கள், அதன் பிறகுதான் அவர்கள் அங்கே தங்க முடியும் என்று நாங்கள் சில Sop செய்துள்ளோம். அஸ்ஸாமின் எங்கள் முஸ்லிம் சமூகம் இந்த வேலையில் எங்களுக்கு உதவுகிறது”, என்று ஆகஸ்ட் 22 அன்று சர்மா கூறினார். அஸ்ஸாமைச் சேர்ந்தவர்கள் தங்கள் பெயர்களை போர்ட்டலில் பதிவு செய்யத் தேவையில்லை என்றும் அவர் கூறினார்.
