கைது செய்யப்பட்ட 6 பேர் சலீம் ப்ரூட், கய்யூம், சாமி ஹிங்கோரா, குட்டு பதான், மொபினா பிவாண்டிவாலா மற்றும் அஸ்லம் பதானி என அடையாளம் காணப்பட்டதாக என்ஐஏ வெளியிட்டுள்ள அதிகாரப்பூர்வ அறிக்கையில் தெரிவிக்கப்பட்டுள்ளது.
மும்பை (மகாராஷ்டிரா): பாகிஸ்தானை சேர்ந்த கும்பல் தாவூத் இப்ராகிமின் கூட்டாளிகள் மற்றும் சில ஹவாலா ஆபரேட்டர்கள் மீது நடத்தப்பட்ட சோதனை தொடர்பாக, மும்பையின் பல்வேறு பகுதிகளில் இருந்து சலீம் ப்ரூட் உட்பட 6 பேரை தேசிய புலனாய்வு அமைப்பினர் (என்ஐஏ) கைது செய்தனர்.
கைது செய்யப்பட்ட 6 பேர் சலீம் ப்ரூட், கய்யூம், சாமி ஹிங்கோரா, குட்டு பதான், மொபினா பிவாண்டிவாலா மற்றும் அஸ்லம் பதானி என அடையாளம் காணப்பட்டதாக என்ஐஏ வெளியிட்டுள்ள அதிகாரப்பூர்வ அறிக்கையில் தெரிவிக்கப்பட்டுள்ளது. இன்று மும்பை கமிஷனரேட்டில் 24 இடங்களிலும், மீரா ரோடு பயந்தர் கமிஷனரேட்டில் 5 இடங்களிலும் என்ஐஏ சோதனை நடத்தியது.
தாவூத் இப்ராகிம் கஸ்கர் மற்றும் அவரது கூட்டாளிகள் சம்பந்தப்பட்ட டி-கம்பெனியின் சர்வதேச பயங்கரவாத நெட்வொர்க்கின் பயங்கரவாத நடவடிக்கைகள் தொடர்பான வழக்காகும். அவர்கள் ஆயுதக் கடத்தல், போதைப்பொருள்-பயங்கரவாதம், பணமோசடி, FICN புழக்கத்தில் ஈடுபட்டுள்ளனர் மற்றும் பயங்கரவாததிற்கு நிதி திரட்டுதல் முக்கிய சொத்துக்களை அபகரித்து வைத்திருப்பது மற்றும் லஷ்கர்-இ-தொய்பா (LeT), ஜெய்ஷ்-இ-முகமது (JeM) மற்றும் அல் கொய்தா (AQ உள்ளிட்ட சர்வதேச பயங்கரவாத தொடர்பில் இருப்பது தெரியவந்துள்ளது.
சோதனையின் போது, மின்னணு சாதனங்கள், ரியல் எஸ்டேட்டில் முதலீடு செய்ததற்கான ஆவணங்கள், பெரும் பணம், துப்பாக்கிகள் உள்ளிட்ட பல்வேறு பொருட்கள் கைப்பற்றப்பட்டன.
வழக்கு தொடர்பாக மேற்கொண்டு விசாரணை தொடர்கிறது. (ANI
தமிழில்: சகி
