புனேவை சேர்ந்த மகாராஷ்டிரா கல்விச் சங்கத்தின் மேலாண்மை மற்றும் தொழில் படிப்புகளின் (IMCC) புதிய கட்டடத்தை ஆர்.எஸ்.எஸ் அமைப்பின் அகிலபாரத பொதுச் செயலாளர் வைத்தார். அப்போது பேசிய அவர், ‘நான் கல்வித் துறையில் உள்ள நிறுவனங்களுக்கு அடிக்கடி சென்று வருகிறேன். உள் நாடு மற்றும் வெளிநாடுகளில் உள்ள நிறுவனங்களுக்குச் செல்வதற்கு நேரம் ஒதுக்குகிறேன். புதிய தலைமைத்துவத்தை வழங்கும் இளம் சிறுவர் சிறுமிகள் இங்கிருந்து வெளிவந்துள்ளது இதில் மகிழ்ச்சி உள்ளது. உலக கல்வி வரைபடத்தில் புனேவுக்கு தனி இடம் உண்டு. புனே கல்வி மையமாக மாறியுள்ளது. புனேவில் வளமான கலாச்சார சூழல் உள்ளது. இங்கு தங்கி மாணவர்கள் பட்டம் பெறுவது மட்டுமின்றி, எல்லா வகையிலும் வளம் பெறுகின்றனர். பாரதத்தில் பழங்காலத்திலிருந்தே நீண்ட கல்வி பாரம்பரியம் உள்ளது. உலகம் முழுவதிலுமிருந்து மக்கள் இங்கு வருகிறார்கள். பாரதம் ஒரு அறிவுக் கோயிலாக திகழ்ந்து வருகிறது. பாரதத்தில் கல்வி ஒரு சிலருக்கு மட்டுமே கிடைத்தது என்று கூறுவது திரிக்கப்பட்ட வரலாறு. இன்று 130 கோடி நாட்டு மக்கள் புதிய கல்விக் கொள்கை அமலாக்கத்தின் பொன்னான கட்டத்தில் நிற்கின்றனர். வேலை தேடுபவர்களாக மட்டுமே மாணவர்கள் கல்வி நிறுவனங்களை விட்டு வெளியே வரக்கூடாது. அவர்கள் உலகின் பல்வேறு நாடுகளுக்கு ஆசிரியர்களாகச் சென்று அந்த மக்களுக்கும் பண்பாட்டைக் கற்பிக்க வேண்டும். இது நடக்கவில்லை என்றால் ‘க்ரிண்வந்தோ விஸ்வமர்யம்’ என்பதற்கு யார் பொறுப்பேற்பார்கள்? நம் நாட்டில் ஒவ்வொரு ஆண்டும் மூன்றரை லட்சம் மேலாண்மை பட்டதாரிகள் வெளியே வருகிறார்கள். துரதிர்ஷ்டவசமாக, அவர்களில் 15 சதவீதம் பேர் மட்டுமே வேலைவாய்ப்பில் உள்ளனர். நிர்வாகத்தினர் சிந்திக்க வேண்டும். தகவல் தொழில்நுட்பத்தைப் போலவே, மேலாண்மைத் துறையிலும் பாரதம் ஒரு சிறப்பு இடத்தைப் பெற முடியும். அதற்காக இங்கே சாதகமான சமூக சூழல் நிலவுகிறது. நமது நிர்வாகத் திறமையால் அற்புதமான உலகத்தை உருவாக்க முடியும். மேலாண்மை மாணவர்களுக்கு இங்கு பல வாய்ப்புகள் உள்ளன’ என கூறினார்.
