”ஜம்மு, காஷ்மீரில் பயங்கரவாதம் கட்டுப் படுத்தப்பட்டுள்ளது’ என, சி.ஆர்.பி.எப்., தலைமை இயக்குனர் சுஜய் லால் தாசோன் கூறினார். கோவை மாவட்டம், துடியலுார் கதிர்நாயக்கன்பாளையத்தில் சி.ஆர்.பி.எப்.-, பயிற்சி கல்லுாரியில் கட்டமைக்கப்பட்ட துப்பாக்கி சுடும் தளத்தை சி.ஆர்.பி.எப்., – டி.ஜி., சுஜய் லால் தாசோன் நேற்று திறந்து வைத்தார். அவர் பேசுகையில் :- பயங்கரவாதிகள் பதுங்கும் இடங்களை கண்டறிய ‘ட்ரோன்’ உள்ளிட்ட பல்வேறு தொழில்நுட்பங்கள், சி.ஆர்.பி.எப்.,ல் அறிமுகப்படுத்தப்பட்டுள்ளன. ராஜஸ்தான், தெலுங்கானா உள்ளிட்ட ஐந்து மாநில சட்டசபை தேர்தல்களில், அந்தந்த மாநில போலீஸ் மற்றும் பிற பாதுகாப்பு படைகளுடன் சி.ஆர்.பி.எப்., இணைந்து பணியில் ஈடுபட்டுள்ளது. என்று தெரிவித்தார்.
