பாரத அரசு அல்லது உலக சுகாதார நிறுவனத்தால் அங்கீகரிக்கப்பட்ட கொரோனா தடுப்பூசிகளை முழுவதுமாக செலுத்திக்கொண்ட பாரத குடிமக்களுக்கு கொரோனா பரிசோதனை, வீட்டு தனிமைப்படுத்தல்களில் இருந்து விலக்கு அளிக்கும் விதத்தில், இங்கிலாந்து, பிரான்ஸ், ஜெர்மனி, நேபாளம், பெலாரஸ், லெபனான், ஆர்மீனியா, உக்ரைன், பெல்ஜியம், ஹங்கேரி, செர்பியா ஆகிய 11 நாடுகளுடன் பாரதம் ஒப்பந்தத்தை செயல்படுத்தி உள்ளது. அதற்கு ஈடாக, இதே நடவடிக்கையை பாரதமும் பரஸ்பரம் கடைபிடிக்கும். திருத்தப்பட்ட வழிகாட்டுதல்களின்படி தடுப்பூசி 2 டோஸ்கள் முழுமையாக செலுத்திக்கொண்டவர்கள் எவ்வித பரிசோதனையும் இன்றி விமான நிலையத்தை விட்டு வெளியேற அனுமதிக்கப்படுவார்கள். இருப்பினும், அவர்கள் எதிர்மறை ஆர்.டி – பி.சி.ஆர் அறிக்கையை சமர்ப்பிக்க வேண்டியது அவசியம்.
