வட கொரியாவின் முன்னாள் தலைவரும் தற்போதைய தலைவர் கிம் ஜாங்-உன்னின் தந்தை கிம் ஜாங்-இல் அவர்களின் 10வது நினைவு தினம் டிசம்பர் 17 அன்று அனுசரித்தது.
தொடர்ந்து வரும் 11 நாட்கள் துக்கத்தின் போது அந்நாடு தனது குடிமக்கள் சிரிக்கவும், கடைகளுக்கு செல்லவும் , மது அருந்தவும் தடை விதித்துள்ளது.
வடகொரியாவின் நிறுவனர் கிம் இல்-சுங்கின் மகன் கிம் ஜாங்-இல், அந்நாட்டின் இரண்டாவது ஆட்சியாளராக இருந்தார். அவர் 1994 இல் தனது தந்தையின் மரணத்திற்குப் பிறகு பொறுப்பேற்றார் மற்றும் 2011 இல் அவர் இறக்கும் வரை அதன் தலைவராகத் தொடர்ந்தார், அதைத் தொடர்ந்து அவரது மூன்றாவது மகன் கிம் ஜாங்-உன் நாட்டின் தலைவரானார்.
வட கொரியாவில் அடுத்த 11 நாட்களுக்கு அனைத்து ஓய்வு நேர நடவடிக்கைகளும் தடை செய்யப்பட்டுள்ளன. வழக்கம் போல கைது செய்யப்படுவார்கள் என்று அறிக்கை கூறுகிறது.
“துக்கக் காலத்தில் உங்கள் குடும்ப உறுப்பினர் இறந்தாலும், நீங்கள் சத்தமாக அழக்கூடாது, யாரேனும் இறந்தாலும் உடலை எடுக்க வேண்டுமே தவிர சத்தமாக அழக்கூடாது. துக்கக் காலத்திற்குள் வந்தால் , மக்கள் தங்கள் பிறந்தநாளைக் கூட கொண்டாட முடியாது,” என்று ரேடியோ ஃப்ரீ ஏசியா என்ற செய்தி நிறுவனம் தெரிவித்துள்ளது.
