சென்னை சென்ட்ரல் – ஆந்திர மாநிலம், விஜயவாடா வந்தே பாரத் ரயில் சேவையை, பிரதமர் மோடி கடந்த, 24ம் தேதி துவக்கி வைத்தார். இந்த ரயில் செவ்வாய் கிழமை தவிர மற்ற நாட்களில் இயக்கப்படும். சென்ட்ரலில் இருந்து அதிகாலை, 5:30 மணிக்கு புறப்படும் இந்த ரயில், காலை, 7:05 மணிக்கு ரேணிகுண்டா, 8:39 மணி நேரத்தில் செல்கிறது. திருப்பதிக்கு அருகே உள்ள ரேணிகுண்டாவுக்கு ஒன்றரை மணி நேரத்தில் செல்வது, திருப்பதி செல்லும் பக்தர்களுக்கு மிகவும் உதவியாக உள்ளது.
பயணியர் சிலர் கூறுகையில்:-
‘வந்தே பாரத் ரயிலில் ரேணிகுண்டா வரை பயணம் செய்தது நல்ல அனுபவமாக உள்ளது. அதிர்வு இல்லாமல், சொகுசாகவும் விரைவாகவும் பயணம் செய்ய முடிகிறது. அடுத்த, 30 நிமிடங்களில் திருப்பதி செல்ல முடிகிறது’ என்றனர்.
தெற்கு ரயில்வே அதிகாரிகள் கூறியது:
ரேணிகுண்டா செல்ல மற்ற விரைவு ரயில்கள் இரண்டரை மணி முதல் மூன்று மணி நேரம் எடுத்து கொள்கின்றன. ரயில் பாதை மேம்பாட்டு பணி காரணமாக திருப்பதி ரயில்கள் ரத்து செய்யப்பட்டு உள்ள நிலையில், வந்தே பாரத் ரயில் மிகவும் பயனுள்ளதாக இருக்கும்.
