டி.ஆர். சேஷாத்ரி என்றழைக்கப்படும் திருவேங்கட ராஜேந்திர சேஷாத்ரி பிப்ரவரி 3, 1900 – ல் திருச்சிக்கு அருகிலுள்ள குளித்தலையில் பிறந்தார். தமிழ்நாட்டைச் சேர்ந்த வேதியலறிஞர். இந்தியாவில் கரிம வேதியலுக்கு அடித்தளம் அமைத்தவர்.
பட்டதாரி படிப்பிற்காக 1917 – ல் மெட்ராஸ் பிரசிடென்சி கல்லூரியில் சேர்ந்தார்.
டெல்லி பல்கலைக்கழகத்தில் வேதியியல் துறையின் தலைவராக இருந்தார். இந்திய மருத்துவ மற்றும் பிற தாவரங்கள் குறித்த ஆராய்ச்சிகளுக்கு பெயர் பெற்றவர். இந்தியாவில் அறிவியல் மற்றும் மத கலாச்சாரத்தின் முன்னேற்றம் ஆகிய இரண்டு புத்தகங்களையும் அவர் வெளியிட்டார்.
ஆக்ஸிஜன் ஹீட்டோரோசைக்ளிக்ஸில் தாவர வேதியியல் பற்றிய முன்னோடி ஆராய்ச்சிக்கு பெருமை சேர்த்துள்ளார். 160 மாணவர்களுக்கு முனைவர் பட்ட படிப்பில் வழிகாட்டினார், ஓய்வு பெற்றதும், தனது தனிப்பட்ட நூலகத்தில் உள்ள அனைத்து புத்தகங்களையும் டெல்லி பல்கலைக்கழகத்தின் வேதியியல் துறைக்கு வழங்கினார்.
இந்திய அரசு மற்றும் யுனெஸ்கோவின் அறிவியல் ஆலோசனைக் குழுவில் உறுப்பினராக இருந்த சேஷாத்ரி, அறிவியல் மற்றும் தொழில்துறை ஆராய்ச்சி கவுன்சில், இந்திய மருத்துவ ஆராய்ச்சி கவுன்சில், இந்திய வேளாண் ஆராய்ச்சி கவுன்சில் மற்றும் பல அரசு நிறுவனங்களுக்கு நிபுணர் ஆலோசகராக பணியாற்றினார்.
இந்திய தேசிய அறிவியல் அகாடமி (1967-68) மற்றும் இந்தியன் அகாடமி ஆஃப் சயின்சஸ் ஆகியவற்றின் தலைவராக இருந்தார்.
