புது தில்லி. 2022 செப்டம்பர் 17 ஆம் தேதி ஹைதராபாத் விடுதலை தினத்தின் ஆண்டு நினைவேந்தலின் தொடக்க நிகழ்ச்சியை கலாச்சார அமைச்சகம் ஏற்பாடு செய்யும். செப்டம்பர் 17, 2022 முதல் 17 செப்டம்பர், 2023 ஆம் தேதி வரை “ஹைதராபாத் விடுதலை நாள்” ஆண்டு முழுவதும் நினைவுகூருவதற்கு அரசாங்கம் ஒப்புதல் அளித்துள்ளது.
ஹைதராபாத்தில் உள்ள பரேட் மைதானத்தில் நடைபெறும் தொடக்க நிகழ்ச்சியில் மத்திய உள்துறை அமைச்சர் அமித் ஷா தலைமை விருந்தினராக கலந்து கொள்கிறார்.
ஹைதராபாத்தில் நடைபெறும் தொடக்க நிகழ்ச்சியில் கலந்து கொள்ளுமாறு தெலங்கானா, கர்நாடகா மற்றும் மகாராஷ்டிரா மாநில முதல்வர்களுக்கும் கலாச்சார அமைச்சகம் அழைப்பு விடுத்துள்ளது. சமஸ்தானின் விடுதலைக்காகவும், இந்திய யூனியனுடன் இணைவதற்காகவும் உயிர் தியாகம் செய்த அனைவருக்கும் அஞ்சலி செலுத்தும் வகையில் இந்த ஆண்டு நினைவேந்தல் நடத்தப்படுகிறது.
